Organizan unha limpeza na praia de Celeiro a favor do banco de alimentos

A través da iniciativa cambiarán os quilos de residuos que os participantes logren retirar por quilos de comida

Praia de Celeiro

Organizan unha limpeza de fondos mariños na praia de Celeiro, en Viveiro. A actividade terá lugar o vindeiro 1 de xuño e a través dela cambiarán os quilos de residuos que os participantes logren retirar por quilos de comida que doarán á Federación Española de Bancos de Alimentos.

A actividade, que comezará ás 9.00 horas, está organizada pola escola Costa Lugo e conta coa colaboración do Concello de Viveiro. Os interesados en participar poden solicitar máis información a tavés do correo cascostalugo@gmail.com