Organizan un curso de marketing dixital para turismo e comercio da Pontenova
O Concello da Pontenova, a través do seu departamento de Turismo, organizaron unha acción formativa que leva por título Marketing dixital e redes sociais para turismo e comercio.
Con esta iniciativa preténdese apoiar ao comercio e á hostalaría deste municipio nesta época complicada para ambos os dous sectores.
Trátase dun taller gratuíto que se desenvolverá o día 11 de marzo, entre as 19.00 e as 21.00 horas, a cargo da responsable de turismo da Pontenova, Verónica Ramallal.
Ramallal é veciña da Pontenova e conta con máis de dez anos de experiencia no sector do márketing dixital e da formación. O obxectivo deste curso é aprender e deseñar unha estratexia propia para sacarlle todo o partido á rede.
Todas as persoas que estean interesadas en participar neste primeiro taller poden inscribirse xa a través do dominio web https:// turismoapontenova.es/inscricions/.
