Organizan a Festa da Troita de Fazouro, en Foz

Fazouro celebra as festas patronais do Santiago dende este xoves

Foto recurso

Fazouro, en Foz, celebra as festas patronais do Santiago dende este xoves con misa solemne e procesión a cargo do grupo A Subela, seguida de sesión vermú co trío Nostalgias. Pola noite, amenizará a verbena xunto co dúo Ángel América e un gran espectáculo de fogos artificiais.

O programa continúa o venres con misa e procesión e sesión vermú co Dúo Epo-K. Ademais, terá lugar a Festa da Troita a partir das 20.00 horas e serviranse racións de troita, patacas, torreznos e pan por un prezo de 8 euros. A verbena contará coas actuacións do Dúo Epo-K e do grupo D.Kano.