O Vicedo prepárase para a X Ruta Cabalar cun día de natureza, música e boa mesa
O próximo 7 de xuño, O Vicedo converterase nun punto de encontro para amantes do mundo ecuestre coa celebración da décima edición da Ruta Cabalar, organizada pola Asociación de Cabaleiros Rías Altas. A saída terá lugar ás 10:00 da mañá desde o Mesón O Remo, situado na Casa da Cultura.
Esta ruta, xa consolidada no calendario de eventos do municipio, combina natureza, tradición e convivencia, ofrecendo unha oportunidade única para gozar dun paseo a cabalo polos fermosos paraxes do concello.
As persoas interesadas en participar poden inscribirse ata o día 4 de xuño a través dos teléfonos de contacto de Alejandro (677 452 735) e Óscar (652 399 628). O prezo do xantar é de 25 euros para adultos e 10 euros para nenos e nenas de ata 13 anos. A comida celebrarase ás 15:00 horas e estará amenizada por un dúo musical.
A organización lembra que cada xinete será responsable dos danos ocasionados polo seu cabalo durante a actividade.
O evento conta coa colaboración do Concello do Vicedo e varios establecementos da zona, como o Restaurante Area Grande, O Remo, A Bodeguita del Puerto, entre outros, que apoian esta celebración que une deporte, cultura e gastronomía.