O Vicedo prepárase para a sétima edición da Romaxe Viquinga

De novo, os postos autorizados para instalarse no evento deberán ser de artesanía ou de alimentación e deberán estar caracterizados, tanto os postos como as persoas, de acordo coa temática da festa

Cartel da cita

O Vicedo prepárase para a sétima edición da Romaxe Viquinga. A cita celebrarase o sábado 27 de xullo na praia de Area Grande. De novo, os postos autorizados para instalarse no evento deberán ser de artesanía ou de alimentación e deberán estar caracterizados, tanto os postos como as persoas, de acordo coa temática da festa.

Os interesados en montar no mercado deberán pagar 12 euros por metro lineal ata o 30 de xuño e deberán asumir parte do prezo por adiantado. Poderán montar a partir das 15.00 horas do venres 26 de xullo e deberán recoller antes das 15.00 horas do domingo 28. Para participar cun posto no mercado deberase cubrir a solicitude ata o 24 de xullo.