O Vicedo acolle un curso gratuíto de robótica para nenos a partir de 8 anos

As clases celebraranse todos os mércores de 17.15 horas a 18.45 horas

A Aula CEMIT de O Vicedo organiza un curso gratuíto de robótica para nenos e nenas de 8 anos en adiante. Este taller ofrece unha oportunidade única para estimular a imaxinación e a creatividade dos máis pequenos, mentres aprenden habilidades técnicas como a lóxica, programación e matemáticas, entre outras. As clases celebraranse todos os mércores de 17.15 horas a 18.45 horas.

Pódese realizar a inscrición de forma presencial na Aula CEMIT de O Vicedo ou contactar a través do teléfono 982 590 195 no horario de atención de luns a venres, de 16.00 horas a 20.00. Tamén está dispoñible o correo electrónico cemit.ovicedo@xunta.gal.