O Valadouro prepárase para gozar do mellor do rock nacional
![valadouro_rock](https://amarinaxa.com/wp-content/uploads/2024/06/valadouro_rock.jpg)
O Valadouro acollerá este sábado a primeira edición do Valadouro Rock, que reunirá bandas referentes e novos talentos na escena rock estatal en Ferreira co apoio da Vicepresidencia da Deputación, da Xunta e do Concello de Valadouro. A actuación da banda de heavy metal Obús -en xira polo corenta aniversario – con Fortu Sánchez á cabeza encabezan un cartel que tamén conta con outra figura de referencia como o fundador e exvocalista de Siniestro Total Miguel Costas.
O deputado de Mocidade Daniel García, o tenente alcalde do Valadouro Eduardo Chao e o delegado territorial de Lugo Javier Arias presentaron o cartel do festival, acompañados polos seus promotores Agustín Claverol e Sergio Rubio. A actuación da banda de heavy metal Obús -en xira polo corenta aniversario – con Fortu Sánchez á cabeza encabezan un cartel que tamén conta con outra figura de referencia como o fundador e exvocalista de Siniestro Total Miguel Costas.
Os valencianos Gigatron -recoñecidos polo seu rock humorístico -, Vita Imana, Strikebak, Leather Boys, Drunken Buddha ou Sküld nutren unha proposta que apela a distintas xeracións de amantes do rock e que reivindica tamén os grupos locais cos ribadenses Materia Muerta.
Daniel García mostrou o seu apoio “a esta iniciativa, que amplía e diversifica as propostas culturais e musicais da Mariña no verán” e destacou “a vontade expresada polos promotores de de mostrar e proxectar o patrimonio natural e histórico do Valadouro a través da música”. O tenente alcalde do Valadouro e responsable de Cultura valorou “a aposta da organización polo Valadouro para poñer en marcha este festival, que dará a coñecer o concello a un público novo, que viaxa movido pola música” e que “terá un impacto positivo tamén na hostelería e no comercio local”.
Os pases poden adquirirse online ata este xoves na web do festival. Tamén están á venda entradas físicas no estanco da praza de Santa María, en Ferreira do Valadouro; e o mesmo día poderán retirarse en taquilla. Segundo explicaron os organizadores, haberá descontos para os residentes no Valadouro e Alfoz. O delegado territorial de Lugo, Javier Arias, gabou o traballo da organización para ofrecer “unha proposta deste nivel que terá un impacto positivo na economía do Valadouro”, ao tempo que “contribúe a diversificar a oferta turística na Mariña e a dar a coñecer toda a riqueza da zona”.
Os organizadores do festival profesionais da promoción musical, destacaron que “o movemento social que acompaña este tipo de música valque “a aposta por este xénero ro movemento social que acompaña a rock. A organización porá a disposición do público servizos de bus desde Viveiro, con parada en Xove, San Cibrao, Cervo, Burela, Cangas de Foz e Foz. A contorna do festival, que se celebrará no parque Concepción Arenal, contará con zona de acampada e con food trucks gastronómico.