Cultura

O tradicional mercado das flores de Ribadeo, que se celebra con motivo da festividade de defuntos, terá lugar do 29 ao 31.

Nas inmediacións da praza de abastos de Ribadeo desenvolverase o tradicional Mercado das Flores desde mañá, domingo, e ata o vindeiro martes, 31 de outubro.

Moitas son as persoas que se achegan a algún dos postos dos produtores locais, que alí se atoparán instalados, para mercar as flores e os centros para Todos os Santos e Defuntos coas que despois adornarán os panteóns e os nichos dos seus seres queridos.

O Mercado das Flores está aberto entre as nove da mañá e as dúas da tarde.