O teatro regresa a Riotorto co grupo Os Pícaros da Lagoa

O espectáculo terá lugar este sábado no Centro Sociocultural ás 22:00 horas.

O Concello de Riotorto ofrece unha nova cita coa cultura teatral hoxe, sábado, coa representación da obra Era boa se colara!! O espectáculo, a cargo do grupo Os Pícaros da Lagoa, terá lugar no centro sociocultural de Riotorto ás 22:00 horas.

Esta divertida comedia promete arrancar gargalladas aos asistentes coa súa combinación de humor e talento local, sendo unha excelente oportunidade para gozar dunha noite cultural diferente.

A actividade está organizada polo Concello de Riotorto, que continúa apostando por fomentar a cultura e o entretemento entre os veciños. A entrada é libre, polo que se anima a todos a participar e apoiar o teatro afeccionado.