O teatro presente en Alfoz coa obra 'Era boa se colara!!!'

Continúan coa programación mensual desta iniciativa cada sábado ás 20.00 horas

Alfoz continúa co seu mes do teatro, no Salón de Actos da Casa da Cultura de Alfoz ás 20.00 horas. Desta volta con diferentes propostas de comedia para todos os públicos e para todos os gustos.

A entrada é de balde e este sábado 16 de novembro os veciños poderán desfrutar do grupo de teatro Os Pícaros de Lagoa, fundado no 2017 na parroquia de Lagoa. Veñen para representar a súa obra 'Era boa se colara!!!', unha comedia costumista "que nos trae como moralexa que a xente de aldea é moi lista!".

O próximo será o sábado 23, con ‘Aire fresco’ de Ardora de Cervo; e para rematar o ciclo, o sábado 30, ‘Saíndo do cerco’, da compañía Teatro do Miolo (Lugo).