O Show de Fifo chega a Burela este sábado
AMariñaXa
A Delegación Municipal de Cultura presenta en Burela, o vindeiro sábado 22 de abril ás 18 horas a proposta de Juan González Carballal
20 Abr 2023
A Delegación Municipal de Cultura presenta en Burela, o vindeiro sábado 22 de abril ás 18 horas a proposta de Juan González Carballal como o pallaso FIFO, dentro da Rede de Teatros e Auditorios de Galicia e da AGADIC.
SOÑO é o espectáculo onde Fifo non sabe se vive nun soño ou si sempre ten sono, o que si ten claro é que neste espectáculo, coa axuda dos nenos , vai descubrir , a través de xogos, de bailes, de gags e de risas, se vive nun mundo certo ou se é mellor espertar.
Espectáculo de interacción constante co público, de maneira directa e de xeito indirecto.
A taquilla abrirá ás 17:30 horas, o prezo das entradas será de 2,5 euros.
