O punto limpo móbil de Ribadeo está ata o 9 na área recreativa de Vilaframil
![020223 Foto punto mobil V copia](https://amarinaxa.com/wp-content/uploads/2023/02/020223-Foto-punto-mobil-V-copia.jpg)
O punto limpo móbil do Concello está ata o 9 de febreiro na área recreativa de Vilaframil. Esta é a terceira parada deste vehículo, adquirido hai unhas semanas para dar servizos ás parroquias.
O punto limpo móbil do Concello de Ribadeo estará despois do 9 ao 23 de febreiro estará no Círculo Habanero na Devesa; do 23 de febreiro ao 9 de marzo no campo da festa en Santalla de Vilausende; do 9 ao 23 de marzo a carón da escola de Couxela; do 23 de marzo ao 5 de abril na escola de Cedofeita; do 5 ao 20 de abril a carón da escola de Couxela; e do 20 de abril ao 4 de maio no teleclube de Arante.
O concelleiro de Medio Ambiente, Jorge Díaz, lembrou que “a veciñanza poderá depositar neste punto limpo móbil residuos domésticos como aceite usado, pilas, aparatos electrónicos pequenos, luminarias, CDs, DVDs, radiografías, cápsulas de café, etcétera”. E animou á veciñanza “a facer uso deste novo servizo que puxemos en marcha a principios deste ano 2023”.