O programa Cultura no camiño chega a Viveiro
O Concello de Viveiro acolle o programa Cultura no camiño que dará comezo o día 20 co Mago Antón e o seu espectáculo Micromaxias.
Este acto será nos xardíns Noriega Varela en diferentes horas ás 12, 13, e 14 horas e 17.30, 18.30, 19.30 e 20.30 horas.
Xa o día 26, Baobab Teatro presentará a súa obra Puño Puñete no teatro Pastor Díaz ás 18 horas.
Puño puñete é unha peza teatral, musical e visual na que a tenrura é a protagonista, presentamos un espectáculo onde os máis pequenos da casa (1-6 anos) vivirán unha experiencia entrañable para espertar os seus cinco sentidos e terán as súas primeiras sensacións a través da oralidade, a música e os contos.
Reserva anticipada de entradas no teléfono do Teatro Pastor Díaz 982 560 162 ou en rbg.cultura@viveiro.es