O pregón de Sonia Castedo deu inicio ás festas patronais de Ribadeo
Co pregón pronunciado por Sonia Castedo, ex alcaldesa de Alicante, deron comezo as festas patronais de Ribadeo, que se prolongarán ata o luns 9 de setembro.
Acompañaron á ribadense no escenario do Cine Teatro a concelleira de Turismo e Comercio, Marta Saiz, e o presidente da comisión organizadora das festas, Gonzalo Lebredo.
Sonia Castedo lembrou no pregón as súas vivencias en Ribadeo, onde naceu, onde viviu ata os 15 anos e a onde retorna cada verán. E subliñou que non hai mellor título que o de ribadense.
O acto do pregón rematou coa actuación da Coral Polifónica de Ribadeo. Ao mesmo asistiron o alcalde, Dani Vega, as concelleiras de Benestar Social, Cultura, Atención Cidadá e Turismo, Elena Sierra, Begoña Sanjurjo, Montse Seijo e Marta Saiz, así como representantes de diferentes institucións e entidades locais.