O PP ribadense denuncia constantes apagóns no alumeado público
![Ribadeo sen luz (1)](https://amarinaxa.com/wp-content/uploads/2021/12/Ribadeo-sen-luz-1.jpg)
A vicevoceira do Grupo Municipal Popular, Elena Sierra, denuncia que Ribadeo pasou catro días da semana pasad sen luz: “estivemos a cegas en moitas das nosas rúas que se iluminaban grazas ás luces dos escaparates”, sinala a popular.
Tanto veciños, coma hostaleiros e comerciantes teñen trasladado as súas queixas ante esta situación que tamén condenan os populares. Sierra considera, a este respecto, que “o goberno local parece que está totalmente en contra do comercio local”. Durante o Black Friday houbo unha total falta de iluminación nas rúas debido ao apagón da semana pasada. Pero a esta situación hai que sumarlle tamén a falta de programación en relación ás obras da rúa Rodríguez Murias que “están paradas y sin acabar” de cara á ponte da Constitución. “O goberno do BNG non prevé os puntos e datas onde a xente vén maioritariamente a comprar a Ribadeo”, matiza.
Precisamente de cara ao Nadal, Sierra explica que haberá iluminación navideña. “Alegrámonos moito porque será a única forma de ver algo pola noite nas nosas rúas”, apunta.
APAGÓNS CONSTANTES
“En Ribadeo sabemos moi ben o que son os apagamentos de luz nas nosas rúas porque os levamos sufrindo moito tempo. O peor é que o goberno local sabe perfectamente onde se atopa o problema da luz e pode arranxalo xa”. É por iso polo que o Grupo Municipal Popular urxe ao goberno do BNG “a tomar cartas no asunto, ser serios e arranxar o problema da luz dunha vez por todas”.