O PP ribadense advirte que as dúas varredoras do Concello están no taller
Elena Sierra advirte que “Ribadeo está sen máquinas varredoras, unha delas desde xuño do ano pasado”
A vicevoceira do Grupo Municipal Popular de Ribadeo, Elena Sierra, advirte de que “as dúas varredoras do Concello atópanse no taller. E, unha delas, xa desde o mes de xuño. Non me estraña que o concelleiro de medio ambiente, o señor Freije, nin se acordase” cando respondeu á pregunta formulada polos populares no último pleno en relación ao mantemento da maquinaria municipal ao dicir que “neste Concello había maquinaria de sobra. Pero, desde logo, non entendemos a que Concello se refire”, apunta.
A popular advirte de que esta situación se debe a “un problema moi claro: a falta de mantemento da maquinaria municipal”. E denuncia, nese sentido, “a desidia e deixadez deste Goberno ao que lle da todo igual".
Sierra sinala que “so traballan cando están a punto de chegar as eleccións e isto non sempre vale. Ribadeo necesita un Goberno que actúe durante todo o mandato. E como todo da igual, este é o resultado do traballo real feito”, conclúe.