O PP de Trabada denuncia que o alcalde prefire confrontar coa Xunta en vez de mellorar servizos
O grupo municipal do Partido Popular en Trabada volveu poñer en cuestión a actuación do alcalde, Rubén García, por considerar que privilexia o enfrontamento político coa Xunta de Galicia en lugar de centrarse na mellora dos servizos públicos da localidade.
O voceiro popular, José María Fernández, denunciou que o rexedor carece de peso dentro do seu partido, o PSOE, e que esa falta de influencia tradúcese nunha ausencia de reivindicacións ante o Goberno central, responsable de cuestións fundamentais para o día a día da veciñanza. Fernández subliñou que problemas como a escaseza de médicos ou as deficiencias no servizo de Correos requiren unha planificación seria e medidas urxentes por parte do Executivo estatal, algo que, segundo o PP, o alcalde non está a esixir.
“Anteponse á confrontación coa Xunta e non busca solucións onde realmente se poden resolver os problemas, que é no Goberno central”, asegurou Fernández, que destacou que calquera escusa serve ao rexedor para criticar á Xunta mentres evita reclamar actuacións que garantirían unha mellor atención aos veciños e veciñas.