O PP de Ribadeo advirte de que a falta de coidado das rúas produciu varias caídas
A vicevoceira do Grupo Municipal Popular de Ribadeo, Elena Sierra, explica que “desde o inicio deste mandato, o noso Grupo leva denunciando o mal estado no que se atopan as rúas de Ribadeo”.
“Non é un capricho que se lle ocorreu ao Grupo Municipal Popular. É porque os veciños trasládannos a súa preocupación polo estado lamentable no que se atopan as rúas da nosa vila: as nosas beirarrúas atópanse con lastras rotas e cheas de verdín que xa produciron varios resbalones, aínda que non tiveron consecuencias. Falamos de rúas moi transitadas como poden ser cale da alza”, manifesta a popular.
O Grupo Municipal Popular ten manifestado en numerosas ocasións a falta dun protocolo de mantemento e conservación: “falta un protocolo de limpeza no día a día. Isto acredita, unha vez máis, a falta de traballo do goberno do BNG. O máis grave de todo é que mesmo cando rompe un sinal ou se quita un pequeno cubo de lixo, engánchelos ou parafusos quedan ancorados no chan, non se quitan, e ao non verse, isto entraña un grave perigo de caída”. De feito, os populares tiveron coñecemento de varias caídas na rúa Daniel Cortezón. Pero tamén se atopa en mal estado a rúa Virgen del Camino.
Sierra lamenta “a falta de coidado que ten o señor Suárez e o seu partido pola atención da nosa vila. Parecen pequenas cousas, pero hai que darlles a importancia que teñen”.
A vicevoceira indica que “existen dedicacións exclusivas, pero non vemos para nada o froito do seu traballo. Seguimos preguntándolle ao goberno do BNG o mesmo que sempre: a que esperan? Ou é que, como lle sobran os votos segundo di o alcalde cando se reúne con moitas asociacións, xa non se ten que molestar?”, conclúe.