O PP de Foz denuncia que o novo rueiro municipal dixitalizado non entrou aínda en vigor
O Partido Popular de Foz denuncia que o alcalde “tira” os cartos en estudos que logo non se usan. Poñen como exemplo o novo rueiro municipal dixitalizado que costou case 15.000 euros e que non entrou en vigor. “Preguntámonos que pasa co rueiro municipal dixitalizado que anuncio o señor alcalde que tiña contratado. Sabemos que está feito o gasto porque se fixo un contrato menor cunha enxeñería privada para que o elaborara, sabemos que a empresa entregou o documento pero o equipo de goberno non o leva ao pleno, está paralizado e non se lle expón aos veciños”, explica o voceiro popular, Javier Castiñeira.
En definitiva, cren "que é unha forma de tirar os cartos porque se contratas algo e non o rematas, non o levas ata a publicación definitiva é como se non existira. Esta é a forma de traballar do señor Cajoto e so el sabe porque pagou algo que agora non usa”, explica o voceiro popular, Javier Castiñeira. Aseguran que entre o novo rueiro frustrado, a situación da Residencia de Maiores, o fracasado plan de mobilidade, o parón de obras e a falta de investimentos e mantemento, o bipartito de PSOE e BNG ten o concello patas arriba.