O PP de Burela reclama a humanización da LU-P1502 "para garantir a seguridade dos seus usuarios"
![FOTO LU P1502 Burela (2)](https://amarinaxa.com/wp-content/uploads/2023/08/FOTO-LU-P1502-Burela-2.jpg)
Os deputados provinciais Antonio Ameijide e José María Fernández estiveron en Burela co voceiro popular no municipio, Manuel Rouco, onde comprobaron como é necesaria a humanización da LU-P-1502, onde os peóns teñen que circular polo arcén ou polo carril de circulación para chegar á parada de bus que hai na vía.
O voceiro popular Antonio Ameijide sinala que son necesarias varias actuacións nesta vía, como a instalación de beirarrúas, a limpeza das cunetas ou a instalación de biondas, “actuacións todas encamiñadas a garantir a seguridade viaria”.
Os populares sinalan que a beirarrúa é necesaria para evitar que os peóns teñan que camiñar polo arcén ou invadir un dos carrís de circulación, “polo que adecuar un espazo para que as persoas camiñen con seguridade é fundamental xa que hai unha parada de autobús na vía”.
Tamén son necesarias a limpeza das cunetas para unha correcta evacuación da auga da chuvia e a colocación de biondas.