O popular Jesús Novo, actual rexedor, volverá ocupar este este cargo
O alcalde actual, o popular Jesús Novo, volverá ocupar este este cargo tras acadar un case un 55% dos votos o que fan un total de 5 escanos.
O alcalde do Vicedo, o popular Jesús Novo, convértese de novo no rexedor máis lonxevo da Mariña, ao permanecer na Alcaldía dende o ano 2003. Encadea xa catro mandatos seguidos con maioría absoluta malia nesta ocasión o BNG súmase á corporación xunto ao PSOE para facerlle fronte.
Nestes comicios, o PP obtivo 587 votos do total, que son 5 edís; o PSOE iguala os resultados 3 edís e 330 votos, e o BNG conta por primeira vez cun concelleiro e 148 votos. Neste concello mariñao a participación foi exactamente igual que no 2019.
O actual rexedor agradece a confianza amosada polos veciños e resalta “o meu compromiso e responsabilidade coa poboación do Vicedo para seguir xestionando novos proxectos que teñan un impacto positivo no municipio”.
Ademais engadiu que “estamos moi contentos cos resultados no Vicedo e na Mariña en xeral. Tivemos dúas candidaturas na oposición totalmente renovadas o que sempre da un pouco de intranquilidade, pero ao final os resultados foron bos”.
CONCELLEIROS ELECTOS
- Jesús Novo Martínez PP
- María del Pilar Otero Ínsua PP
- Modesto Riveira Fernández PP
- José Ángel Canoura Iglesias PP
- Balbino Trasancos González PP
- María Pérez Santaballa PSOE
- Verónica Canoura Paz PSOE
- Fernando Pigueiras López PSOE
- Miguel Gómez Fraga BNG
Novo, que ocupa a Alcaldía desde febreiro de 2001 despois de ser xa concelleiro en anteriores lexislaturas, destaca que o seu obxectivo é “continuar coa liña de traballo que seguimos nos últimos 22 anos e acometer medidas sempre en beneficio dos intereses do Vicedo e en proximidade aos veciños para formar parte da solución dos seus problemas”.
Tamén agradeceu “a todos os veciños que nos deron a sua confianza para seguir outros catro anos, seguiremos traballando para facer un Vicedo mellor.
Felicitamos o PSOE e o BNG polos seus resultados e todos xuntos melloraremos o noso pobo”.
Novo, empresario xubilado nado en 1959, substituiu ao exalcalde Isaac Prado Villapol trala súa dimisión en xaneiro de 2001 e nas eleccións municipais de 2003, encabezou a lista do PP na municipalidade. Obtivo maioría absoluta dende aquela.
O PSOE de María Pérez Santaballa tamén agradeceu “a confianza que depositaron en min tódolos veciños”. Así suma dúas mulleres á corporación vicedense.
Pola contra, aparece no panorama político o BNG con Miguel Gómez Fraga á cabeza, un mantedor mecánico da factoría de Alcoa que tamén é gandeiro, e está vinculado así mesmo ao mundo do motor a través de equipos de rally.
