O próximo sábado 22 de febreiro celebrarase en Mondoñedo, na Finca San Antonio, o III Cocido-Baile O Pasatempo, organizado pola asociación homónima. Este evento incluirá sorteos e premios aos mellores disfraces.
A programación inclúe a cea do cocido ás 22.30 horas seguida dun baile de disfraces coa música do Dúo Épo-K e DJ Vilariño (Eventec).
As entradas están á venda nos establecementos O Rincón, O Palique, Vinoteca Segundo, Bar Castro e Taberna Galiana.
O prezo das entradas é de 38 euros e o prazo límite para adquirilas é o 17 de febreiro.
