O Pancha Fest terá lugar o 30 de xuño
Os festivais musicais son unha aposta clara que o goberno local apoia. Así o subliñou o alcalde, Dani Vega, na presentación do Pancha Fest, que terá lugar o 30 de xuño.
O rexedor manifestou que “para o Concello os festivais musicais son unha aposta clara que queremos apoiar. E o que queremos facer en primeiro lugar desde o goberno local é darlles as grazas a este grupo de rapaces, que están a traballar desinteresadamente para levar a cabo o Pancha Fest, pero tamén para organizar as festas patronais. Por iso o noso agradecemento de corazón por este traballo tan importante e desinteresado”.
Para Dani Vega os festivais de Ribadeo deben convertese nun referente en Galicia e na comarca: “e claro que os festivais musicais atraen turismo, tamén supoñen un atractivo cultural para Ribadeo e creo que nos temos que converter nese referente de festivais na comarca e no conxunto de Galicia”.
O alcalde subliñou que “traballamos intensamente con todos eles”. E engadiu que “en breve iremos anunciando mais festivais que teremos este verán en Ribadeo. E o que quero trasladarlles a todos estes rapaces é que o apoio do Concello vano ter e tamén imos encargarnos de xestionar orzamento noutras administracións para que veñan esas inversións para apoiar toda esta actividade cultural e festiva que Ribadeo merece”.
O Pacha Fest celebrarase o vindeiro venres, 30 de xuño, no aparcamento dos camións, que está situado a carón da glorieta do Juanín. O evento contará coas actuacións de La Misión, Litainer + La Bamba.