O outono teatral continúa no Vicedo coa obra 'Parad@s' do grupo Mecanismo Teatro

A peza, escrita por Fedra Marcus Broncano, conta cun elenco no que participa tamén unha actriz do Vicedo, Loli, o que engade un valor especial á representación

A programación cultural de outono da Casa da Cultura do Vicedo continúa esta semana coa representación da obra Parad@s, a cargo da compañía Mecanismo Teatro, procedente de Viveiro. A función terá lugar o sábado 25 de outubro ás 20:00 horas, con entrada libre.

A peza, escrita por Fedra Marcus Broncano, conta cun elenco no que participa tamén unha actriz do Vicedo, Loli, o que engade un valor especial á representación para o público local.

A actividade enmárcase dentro do ciclo de teatro promovido pola Casa da Cultura do Vicedo coa colaboración do Concello do Vicedo, co obxectivo de achegar o teatro á veciñanza e dinamizar a vida cultural do municipio durante o outono.