O novo roteiro dos sendeiristas de Terras de Lourenzá será pola Ribeira Sacra

A Asociación de Sendeirismo Terras de Lourenzá organiza o domingo 23 de abril dúas rutas polo Concello de Pantón, a ruta Cibrisqueiros a San Cosmede e a da Fervenza Augacaída a Castro de Marce.

O primeiro roteiro, o PR-G.181, ten unha distancia de 8 quilómetros, e a segunda de 4. A saída terá saída ás 07.00 horas do Cantón de Vilanova e rematarán nun xantar pola zona.

A actividade ten un prezo de 35 euros para socios e 40 para os non socios, e é necesario anotarse para participar, ben sexa por teléfono nos 658 097 133 ou no email terrasdelourenza@gmail.com.