O novo goberno de Viveiro distribúe as áreas de xestión
Desde a semana pasada, Viveiro conta cun novo goberno municipal, e aínda que a distribución definitiva das áreas deberá confirmarse no próximo pleno de organización, xa se coñece o reparto de competencias entre os concelleiros.
A alcaldesa, Mariña Gueimunde, ademais das funcións de rexedora, asumirá as áreas de Urbanismo e Infraestruturas. Martín Vale será o responsable de Economía e Facenda, mentres que Domingo González xestionará Comercio e Hostalaría.
Pablo Varela encargarase de Benestar Social, e Saray Ventura estará á fronte de Cultura, Muller e Mocidade. Pola súa banda, Vicente Vázquez levará Obras e Servizos, ademais de Parques e Xardíns. Finalmente, Erea Rivera será a responsable das Parroquias e Medio Rural.
O novo equipo de goberno traballa na organización interna para poñer en marcha as súas primeiras medidas de xestión.