O Monte Castelo xa ten imaxe para a romaría do 2025 da man de Davixino
A Romaría do Monte Castelo de Burela xa ten cartel oficial para a edición de 2025. O recoñecido ilustrador Davixino, veciño da vila, é de novo o autor da imaxe que acompañará esta celebración, unha das máis emblemáticas do verán na Mariña lucense.
A peza gráfica, que mantén o estilo característico do artista, mestura elementos da cultura popular galega —como o hórreo, as fogueiras ou os peixes— con motivos que evocan a convivencia, o contacto coa natureza e o espírito comunitario que define esta romaría. As tendas de campaña, as follas e os remuíños completan un mural cheo de dinamismo e significado.
A edición 2025 da Romaría do Monte Castelo celebrarase os días 25, 26 e 27 de xullo, e contará, como vén sendo habitual, con actividades para todos os públicos, música tradicional, gastronomía e acampada libre nun entorno privilexiado.