O Mercado do Nadal de Ribadeo trasládase ao Parque de San Francisco
O Concello de Ribadeo vén de anunciar que o tradicional Mercado do Nadal mudará este ano de localización e instalarase finalmente no Parque de San Francisco. A concelleira de Comercio e Turismo, Marta Saiz, explicou que “por motivos de carácter técnico vímonos obrigados a trasladar o evento a este emprazamento”. Segundo lembrou, a intención inicial era situar os postos nas inmediacións da Praza de Abastos, “pero non foi posible levalo a cabo”.
A edición número vinte do Mercado do Nadal celebrarase entre o 28 de novembro e o 8 de decembro. O recinto permanecerá aberto ao público polas mañás de 11:00 a 14:30 horas e polas tardes de 17:00 a 21:00 horas, ofrecendo múltiples propostas para adiantar compras, descubrir artesanía local e gozar do ambiente festivo propio destas datas.
O acto de apertura terá lugar xusto despois do acendido do alumeado navideño, previsto para este venres ás 19:00 horas no cruce das Catro Calles. Pola súa banda, a clausura está programada para o 8 de decembro ao mediodía, poñendo o broche final a dez días de actividade comercial e dinamización no centro da vila.