O Lois Tobío de Viveiro gaña as primeiras Olimpíadas Nacionais Escolares de Seguridade Viaria
AMariñaXa
O alumnado de 5º de primaria do CEIP Lois Tobío de Viveiro vén de proclamarse campión nas I Olimpíadas Nacionais Escolares de Seguridade Viaria, celebradas en Narón.
13 Maio 2024
O alumnado de 5º de primaria do CEIP Lois Tobío de Viveiro vén de proclamarse campión nas I Olimpíadas Nacionais Escolares de Seguridade Viaria, celebradas en Narón. A alcaldesa de Viveiro, María Loureiro, quixo felicitar “en nome do Concello á rapazada do Lois Tobío por esta merecidísima vitoria e por poñer en valor a importancia da seguridade viaria”.
O evento tivo lugar o pasado xoves 9 de maio no Pazo da Cultura de Narón, e contou con participantes das provincias de Navarra, Madrid e Ávila, así como de Viveiro e de Narón. A competición organízase por primeira vez a nivel nacional, e contou coa colaboración do Concello de Narón e da Federación de Autoescolas.