O III Rally Club Clásicos Viveiro, aprazado en 2020, será o 21 de maio
![club clasicos viveiro foto Laura Rodríguez](https://amarinaxa.com/wp-content/uploads/2022/04/club-clasicos-viveiro-foto-Laura-Rodriguez.jpg)
O Club Clásicos Viveiro informou da nova edición do Rally Club Clásicos Viveiro aprazado en 2020 e que se celebrará o 21 de maio de 2022.
Este ano o rally chega a súa terceira edición e dende a organización dixeron que "queremos facer mención ao noso amigo e socio Marcos que a vida nolo arrebatou moi rápido sen poder darlle unha despedida como se merecía", así comunicaron que esta proba deportiva levará o nome III Rally Club Clásicos Viveiro Memorial Marquitos.
Un rally con moitas novidades co mesmo plantexamento que as dúas edicións anteriores. Dúas seccións de mañá e tarde, con comida e cea incluída, premios, 9 tramos de regularidade en 260km aproximadamente entre os concellos de Viveiro, O Vicedo, Xove, Ourol, onde se puntúa para o Campionato Talleres KM0, "aos que estamos eternamente agradecidos por todo o apoio que nos brindan sempre e uns dos culpables de que este club continúen crecendo e realizando cada ano mais eventos, lembramos que o campionato consta de tres rallies sen posibilidade de descartar ningún para optar aos seus premios, os mesmos son o I Rally Concello de Ourol xa disputado o pasado 2 de Abril, o III Rally Club Clásicos Viverio Memorial Marquitos e o I Rally Concello do Vicedo".
Tamén informaron de que xa están abertas as inscricións para a participanción.