O I Serán Os do 21, traerá música, baile e gastronomía a Negradas
O vindeiro 29 de marzo de 2025, o Campo da Festa de Negradas acollerá a primeira edición do Serán Os do 21, un evento que promete unha xornada de música, baile e gastronomía para todos os públicos. A festa dará comezo a partir das 12:00 horas e está organizada pola Asociación Recreativa Os do 21, co apoio do Concello de O Vicedo e a Deputación de Lugo.
Os asistentes poderán gozar dun xantar popular, que incluirá unha ración de callos, bebida e sobremesa por 18 euros. Para participar na comida, será necesario anotarse previamente chamando ao 616 762 659 ou adquirindo os tíckets nos establecementos colaboradores de O Vicedo.
Un dos momentos destacados da xornada terá lugar ás 16:30 horas, cando se celebrará un obradoiro de baile tradicional a cargo do grupo Os Carecos, onde os asistentes poderán aprender e practicar os pasos máis característicos da música galega. Ademais, ao longo do día, realizaranse sorteos con diversos premios.
A organización anima a toda a veciñanza e visitantes a participar nesta primeira edición do Serán, asegurando un ambiente festivo e cheo de tradición. "Non faltedes!", destacan no cartel do evento.