O grupo municipal socialista do Valadouro amosa a súa preocupación pola falta de médicos no centro de saúde
![centro saude valadouro](https://amarinaxa.com/wp-content/uploads/2023/07/centro-saude-valadouro.jpg)
O grupo municipal socialista do Valadouro, amosa a preocupación pola actitude do Sergas en relación a falta de médicos no centro de saúde de Valadouro.
“Desde que se xubilou inicialmente un dos titulares, veñen cubrindo puntualmente o seu posto con distintos facultativos con atención de 4 horas o seu posto (das 10 ás 13 horas), algún dia á semana, non todos”, din, “a situación agravouse na segunda quincena de xullo, coas vacacións do outro médico titular, quedando o centro de saúde atendido por un único médico 4 horas, só algún día, sin coñecer con anterioridade, acoden 2 médicos 4 horas. De feito as indicacións que se nos dan aos doentes que precisan citas urxentes é que poden acudir ao centro de saúde de Alfoz, ou como non, acudir a urxencias do hospital, que están xa saturadas”.
O feito de que non se sepa si vai acudir alguén a sustituir, fai que os veciños do Valadouro, “non sepan cando poden pedir a cita co médico, ou si van ser atendidos. Os habitantes deste concello non se merecen este trato”, engaden.
“Non somos alleos á dificultade para de coberturas de determinados postos de traballo, pero que ten moito que ver coas condicións dos contratos de traballo que realiza o Sergas, con coberturas temporais por horas, precarizando a situación dos profesionais”, din dende o grupo municipal.
Esta situación agrávase ao estar en época estival, co incremento de poboación no concello, “que parece non ter en conta o Sergas, que vemos como tamén asistimos ao peche da planta de medicina interna no Hospital Publico da Mariña, co conseguinte derivacion ao HULA, cando son especialidades que poderian ser atendidas en Burela”, engaden.
“Non se pode estar por unha banda alardeando de promoción do rural, e facendo politicas en contra recortando servizos, polo que manifestamos o noso rexeitamento e pedimos solución”, rematan dicindo os socialistas.