Cultura

O domingo 15 de xaneiro os máis pequenos de Foz poderán cantar e bailar con Teatro Ó Cubo e o seu Nube nube sol.

O domingo 15 de xaneiro os máis pequenos de Foz poderán cantar e bailar con Teatro Ó Cubo e o seu Nube nube sol. Este espectáculo será ás 12.00 horas na casa da cultura.

Nube nube sol métenos de cheo na diversión e na aprendizaxe de todo o que a choiva e o sol provocan na nosa contorna. A través do corpo, o xesto, o canto e a música, Teatro ó Cubo achega á primeira infancia a maxia dos ciclos da natureza e a importancia da choiva para que todo medre.