O conselleiro do Mar, Alfonso Villares, destaca en Burela as convocatorias de axudas aos GALP
![conselleiro-do-Mar-en-empresa-de-Burela](https://amarinaxa.com/wp-content/uploads/2024/07/conselleiro-do-Mar-en-empresa-de-Burela.jpg)
O conselleiro do Mar, Alfonso Villares, destaca en Burela que as dúas convocatorias de axudas aos Grupos de Acción Local do Sector Pesqueiro (GALP) publicadas neste novo período Fonda Europeo Marítimo, de Pesca e de Acuicultura (FEMPA) poñen a disposición destas entidades ata 2026 case 38 millóns de euros para impulsar a actividade pesqueira.
Así o trasladou durante a visita realizada a unha empresa de Burela, na que estivo acompañado da directora territorial, Mariña Gueimunde.
A través da Orde do 14 de setembro de 2023, publicada no Diario Oficial de Galicia do 26 de setembro, puxéronse a disposición destes Grupos 18,4 millóns de euros que se distribúen do seguinte xeito: 8 millóns en 2023, 5,6 millóns en 2024, e 4,8 en 2025, e que permitiron que se executasen xa 64 proxectos, cun total de axuda pública de 4,9 millóns e un investimento privado doutros 3,25 millóns de euros.
Con posterioridade, o 31 de xaneiro publicouse no DOG unha nova convocatoria no marco do FEMPA para este exercicio mediante Orde do 28 de decembro de 2023 cun orzamento de 19,5 millóns de euros distribuídos nas seguintes anualidades: 8,5 millóns en 2024; 5,9 millóns en 2025 e 5,1 en millóns en 2026.
Este datos poñen en valor que a cadea mar-industria da Mariña ten un peso económico nesta zona da provincia de Lugo de enorme transcendencia.
Así, as 35 principais firmas pesqueiras da comarca facturaron 327 millóns de euros e xeran preto de 600 postos de traballo. Así o revela o informe Ardán, elaborado en 2023 polo Consorcio Zona Franca de Vigo cos rexistros das 41.000 maiores firmas de Galicia.