Cervo fomenta a plantación de árbores froiteiras e autóctonas cun pedido conxunto
A alcaldesa, Dolores García Caramés, a concelleira de Medio Ambiente, Mali Méndez, e o edil de Zona Rural, Adrián Arias, entregaron as árbores froiteiras e autóctonas aos veciños e veciñas que quixeron participar neste pedido conxunto, que dende o Concello se leva tramitando dende fai case unha década.
Tal e como precisaron con iniciativas como esta o que “pretendemos é abrir camiño á veciñanza para que as súas fincas sexan cada vez máis produtivas, e queremos seguir animando á veciñanza a continuar plantando árbores porque é unha forma efectiva de contribuír á conservación dos ecosistemas e de loitar contra o cambio climático”.
O ter tramitado o pedido conxunto supón, ademais, -precisou- “un importante aforro aos veciños e ás veciñas que solicitaron as árbores”, que nesta ocasión foron especies moi variadas ata 36 diferentes: maceiras, pereiras, cerdeiras, castiñeiros, aguacateiros…
O número de exemplares entregados nesta ocasión foi de 91 árbores solicitados por unha decena de veciños.