O Concello de Xove organiza varias actividades de Samaín
AMariñaXa
O Concello de Xove organiza unha serie de actividades de Samaín o sábado 29 e luns 31 de outubro no centro xuvenil.
27 Out 2022
O Concello de Xove organiza unha serie de actividades de Samaín o sábado 29 e luns 31 de outubro no centro xuvenil para que os cativos o "pasen de medo".
A primeira, a do sábado, dará comezo ás 16.30 horas baixo o nome de A Santa Compaña. Canto sabes ti desta lenda?. Xa ás 17.30 horas haberá un obradoiro de tatoos arrepiantes, e ás 19.00 horas o I Reto Challenge Paseando coa Santa Compaña.
O luns 31 de outubro será a quenda dos xogos de mesa de terror entre as 16.30 e as 19.30 horas.
Para participar será necesario anotarse previamente na Omix ou chamando ao teléfono 982 571 816.
