O Concello de Viveiro quere mellorar a eficiencia enerxética do parque empresarial de Landrove
O Concello de Viveiro quere mellorar a eficiencia enerxética do alumeado público do parque empresarial de Landrove polo que solicitou unha subvención para facer fronte ao gasto.
O goberno municipal adheriuse para elo á Orde do 14 de decembro de 2022 da Vicepresidencia Primeira e Consellería de Economía, Industria e Innovación da Xunta.
O importe solicitado é de 30.938,45 euros para a execución do proxecto, ao que hai que engadir os honorarios do proxecto e dirección de obra, por un coste de 2.722,50 euros.
O Concello de Viveiro proxecta unha obra que incluirá a substitución dos actuais puntos de alumeado do parque empresarial por luces LED de maior eficiencia, co obxectivo de adecuala á normativa de baixa tensión e ao regulamento de eficiencia enerxética en instalacións de alumeado exterior.
O goberno local recorda tamén que, despois das reunións mantidas no seu momento con Xestur, insistirá e premerá á entidade para que adecente e peche as parcelas tal e como se acordou.