O Concello de Viveiro anunciou os gañadores da fase local no Certame das Letras Galegas
O Concello de Viveiro anuncia os gañadores e gañadoras da fase local no Certame de Narración e Debuxo Infantil Letras Galegas 2022, un certame convocado a nivel provincial pola Biblioteca Pública de Lugo.
Na categoría A, ata 8 anos, premiouse o traballo de debuxo de Xue Corujo Louzao, mentres entre as narracións, resultaron premiadas as presentadas por Aroa Alló Fernández, Valentina Ares Álvarez e Julia Aguirre Eiroa.
Na categoría B, de 9 a 11 anos, os mellores debuxos foron os de Mateo Orosa Otero, Ariana María Bucur e David Petrus Groza. Respecto das narracións, as mellores foron as de Luis Balsa Gómez, Ruth Palmeiro Blanco e Hugo Martínez Pernas.
Na categoría C, de 12 a 16 anos, os mellores debuxos foron os presentados por Lucía Orbe Otero, Zaira Otero Sierra e Sofía Freire Gómez. Pola súa parte, a mellor narración foi a de Adriana Pérez Veiga.
Os traballos premiados nesta fase local do certame competirán agora na fase provincial, onde se terán en conta as obras de nenos/as de toda a provincia de Lugo.
Os premios da fase local entregaranse este sábado, 21 de maio ás 12:00, na Biblioteca Municipal de Viveiro.
“Dende o Concello de Viveiro agradecemos a boa acollida do certame, traslando os nosos parabéns a todos os participantes, sobre todo ós premiados/as. Tamén agradecemos a colaboración dos centros educativos nestas iniciativas”, sinala Lara Fernández Fernández-Noriega, concelleira de Cultura.