O Concello de Vegadeo aprobou novas medidas de mellora para a localidade, incluíndo un Plan de Control Financeiro
O Concello de Vegadeo deu un paso importante na mellora do municipio coa aprobación de varias medidas durante o último pleno municipal. Entre elas destaca a aprobación dun "Plan de control financeiro para 2024", que, coa colaboración de medios propios, ten como obxectivo auditar as contas do Concello, revisar os contratos menores e analizar algúns aspectos orzamentarios para garantir unha maior transparencia e eficiencia na xestión dos recursos públicos.
Tamén se aprobou a modificación dos festivos locais, co fin de adaptar os días festivos ás necesidades da vila. A proposta inclúe o cambio do festivo do 6 de xuño ao luns 9 de xuño, coincidindo coa celebración das festas locais. Ademais, o pleno ratificou esta modificación para os próximos anos, establecendo o luns de feiras como festivo para 2026, así como o 17 de agosto (día seguinte a San Roque).
Outras das iniciativas aprobadas foron a nomeamento de tres novas rúas na zona de La Cal: rúa Amado Osorio Zabala, rúa Virxe de La Cal e rúa das Maestras. Esta medida xurde da proposta do Cronista oficial do municipio para poñer en valor a historia local e recoñecer a persoas e elementos significativos da vila.
Outra das novidades foi o acordo de irmandamento de Vegadeo co municipio de Cebreros, en Ávila, que ten unha forte vinculación educativa a través do proxecto Foro Comunicación e Escola. Ademais, Cebreros tamén é coñecido por ser a vila natal de Adolfo Suárez, e o seu museo, que alberga pezas históricas sobre a Transición española, reforza o valor cultural deste irmandamento.
O pleno tamén aprobou a proposta de integración da Escola Infantil Municipal Piyaván na rede autonómica de Escuelines/Escolías, co obxectivo de mellorar os servizos educativos do municipio. Doutra banda, tamén se deu luz verde á modificación da Ordenanza Municipal de Honores e Distinciones.
Finalmente, o goberno local fixo un chamamento á colaboración cidadá, anunciando que nas próximas semanas se negociará o orzamento municipal, coa intención de presentar unha proposta á corporación ao final do mes.