O Concello de Trabada solicita unha axuda para renovar a vivenda da antiga escola unitaria de Vidal
AMariñaXa
O Concello de Trabada solicitou unha subvención ao Instituto Galego de Vivenda e Solo (IGVS) para a renovación da vivenda da antiga escola unitaria da parroquia de Vidal.
![escola unitaria vidal trabada](https://amarinaxa.com/wp-content/uploads/2024/04/escola-unitaria-vidal-trabada.jpg)
18 Abr 2024
O Concello de Trabada solicitou unha subvención ao Instituto Galego de Vivenda e Solo (IGVS) para a renovación da vivenda da antiga escola unitaria da parroquia de Vidal. “Queremos continuar co proceso de renovación das vivendas das antigas escolas unitarias, como xa fixemos coas de Trabadela, Vilapercide e Sante”, explica o alcalde de Trabada, Rubén García.
Agardan acadar esta axuda para “poder habilitar a vivenda e destinala a uso público e social na parroquia de Vidal”, engade. As actuacións incluídas na subvención permitirían ao Concello, entre outros aspectos, mellorar a eficiencia enerxética da vivenda e, con elo, as súas condicións de seguridade, hixiene e confort.