O Concello de Trabada informa sobre a recollida de plásticos agrícolas
O Concello de Trabada informa, a través do alcalde Rubén García Freije, de que entre os días 2 e 5 de decembro terá lugar a recollida de plásticos agrícolas.
Para a prestación deste servizo utilizarase un camión que pasará por aquelas explotacións agrícolas que o demanden. Para isto será necesario contactar co Concello nas oficinas municipais ou no número de teléfono 982 135 011 antes do día 29 de novembro.
Co fin de facilitar a súa recollida, indican, os plásticos deberán estar depositados en puntos de fácil acceso para o camión, apartados de árbores e tendido eléctrico, debidamente pregados e atados e desprovistos de arames, terra ou area.
Trasladan desde o Concello que se agradece a colaboración da veciñanza para evitar o depósito inadecuado destes residuos.