O Concello de Riotorto organiza unha excursión a Bilbao e San Sebastián
O Concello de Riotorto organiza unha excursión a Bilbao e San Sebastián os días 15, 16 e 17 de maio, unha oportunidade para coñecer estas dúas emblemáticas cidades do norte de España con todas as comodidades incluídas.
A saída terá lugar o xoves 15 de maio ás 15:00 horas desde a gasolineira. Durante o traxecto realizaranse paradas en lugares de interese como Comillas e San Vicente de la Barquera, chegando finalmente a Cabezón de la Sal para a cea e o aloxamento nun hotel.
O venres 16 de maio, despois do almorzo no hotel, os participantes desprazaranse a Bilbao, onde gozarán dunha visita guiada pola cidade e xantarán alí. Pola tarde, viaxarán a San Sebastián, onde se hospedarán no Hotel Silken Amara Plaza tras a cea.
O sábado 17 de maio, despois do almorzo, terá lugar unha visita guiada por San Sebastián, seguida do xantar no hotel e o regreso a Riotorto pola tarde.
O prezo da excursión é de 250 euros por persoa, con todo incluído. Haberá un total de 50 prazas dispoñibles, con preferencia para os usuarios dos centros veciñais.
As persoas interesadas deberán inscribirse cos monitores dos centros veciñais ou no Concello antes do 30 de marzo.