O Concello de Ribadeo realizará un lavado dos contedores verdes así como renovar 40
AMariñaXa
O Concello de Ribadeo realizará estes días un lavado dos contedores verdes así como cambiar 40 por outros novos
10 Maio 2022
A Concellaría de Medio Ambiente anunciou o lavado dos contedores verdes, que se realizará ao longo dos vindeiros días, así como a instalación de 40 contedores novos en diferentes puntos do concello para reforzar sobre todo as zonas onde hai máis locais hostaleiros.
Dende o Concello piden colaboración á veciñanza e tamén ao sector hostaleiro para que o lixo se deposite polas noites nos contedores correspondentes e en bolsas pechadas. Todo co obxectivo de evitar cheiros innecesarios agora que chega o calor.
Por outra banda “imos contar con mobiliario novo. Son arredor de corenta unidades de contedores verdes, que instalaremos estes días, e unhas cincuenta papeleiras para poder ir cambiando aquelas que así o precisen”.