O Concello de Ribadeo pon en marcha un curso de Monitor de actividades de tempo libre
O Concello de Ribadeo pon en marcha un curso de Monitor de actividades de tempo libre acreditado polo Goberno autonómico.
Desenvolverase durante os meses de outubro, novembro, decembro e xaneiro e terá unha duración de 200 horas de formación teórico-práctica e 150 horas de prácticas.
Entre as cuestións que abordarán figuran: psicoloxía evolutiva, animación deportiva, educación ambiental, educación para a saúde, lexislación en tempo libre, etc.
Será impartido os sábados e domingos en horario de 9.00 a 14.00 horas e de 15.00 a 20.00h no Pavillón Municipal de Ribadeo. O prazo de presentación de solicitudes está aberto ata o 16 de outubro na casa da Xuventude e o curso iniciarase o 21 de outubro.
Para realizar o curso é preciso ser maior de idade, ter graduado en ESO, graduado escolar ou algunha titulación superior.
