O Concello de Ourol organiza a II Edición do Ourol Saudable que se centrará na alimentación dos nenos
AMariñaXa
O Concello a través do Centro de Fisioterapia de Ourol e en colaboración coa Biblioteca Municipal organiza a II Edición do Ourol Saudable.
2 Abr 2023
O Concello de Ourol a través do Centro de Fisioterapia de Ourol e en colaboración coa Biblioteca Municipal organiza a II Edición do Ourol Saudable.
Nesta ocasión centraranse nos máis pequenos da casa para os que a hora de comer, en moitos casos, é unha hora complicada. A correcta xestión deste momento é moi importante para o desenvolvemento da correcta saúde do neno ou nena.
Neste obradoiro aprenderemos a diferenza entre O meu neno non come e O meu neno non quere comer. É un obradoiro destinado a pais, nais, futuros pais e nais e todas as persoas que teñan nenos/as a seu cargo e será o 13 de abril ás 18.00 horas no edificio multiusos de Ourol.
Para participar será necesario a previa inscrición no enlace ou chamar ao teléfono 982 559 019.
