O Concello de Ourol organiza a 'Andaina contra a Violencia de Xénero'

No marco dos actos polo 25N partirá ás 12.30 horas do Paseo da Rega

Con motivo do 25 Novembro, Día Internacional da Eliminación da Violencia contra as Mulleres, o Concello de Ourol organiza un ano máis a Andaina contra a Violencia de Xénero.

Trasladan desde o Concello: "Esta actividade ten como obxectivo sensibilizar á poboación sobre o problema mundial que representa a violencia contra as mulleres e concienciar tanto a mulleres coma homes da importancia de que todas as persoas unan forzas para rematar con esta lacra da sociedade que remata coa vida de tantas mulleres cada ano".

Terá lugar o día 25 de novembro ás 12.30 horas no Paseo da Rega.