O Concello de Cervo organiza unha andaina polo Dia contra o Cancro de Mama
![andaina cervo cancro mama 2021 1](https://amarinaxa.com/wp-content/uploads/2021/10/andaina-cervo-cancro-mama-2021-1.jpg)
O Concello de Cervo organiza unha andaina en conmemoración do Dia Internacional contra o Cancro de Mama.
Ás 17:30 horas a Supervisora da unidade de cirurxía no Hospital da Costa de Burela, María Eugenia Rodríguez Barreiro, dará unha charla sobre a materia no Auditorio da Casa da Cultura de San Ciprián.
A continuación iniciarase unha andaina con saída na propia Casa da Cultura.
Para a Concelleira Mali Méndez “é importante que, despois da pausa obrigada do ano anterior debido á pandemia, poidamos seguir levando a cabo esta andaina que xa se viña celebrando durante moitos anos”. Engade tamén que “desde o Concello de Cervo queremos aportar o noso pequeno grao de area á hora de visibilizar e crear conciencia sobre a importancia desta enfermidade que afecta diariamente a tantas mulleres”.
![andaina cervo cancro mama 2021](https://amarinaxa.com/wp-content/uploads/thumbs/2021/10/andaina-cervo-cancro-mama-2021-200x282.jpg)