O concello de Cervo, escenario dunhas probas de control de operacións con drons

O Porto de San Ciprián, a praia do Torno, e as instalacións cedidas polo Concello ao Instituto Tecnolóxico de Galicia (ITG) no polígono de Cuíña foron os lugares elixidos para realizar as diferentes probas de validación

Probas de validación tecnolóxica

O Porto de San Ciprián, a praia do Torno, e as instalacións cedidas polo Concello de Cervo ao Instituto Tecnolóxico de Galicia (ITG) no polígono de Cuíña foron os lugares elixidos para realizar as diferentes probas de validación tecnolóxica, coordinadas polo equipo de enxeñería do ITG, que despregou a súa tecnoloxía de unidade móbil de control de operacións con drons e varios vehículos aéreos non tripulados.

Os exercicios contaron coa participación do Grupo de Emerxencias Municipal (GES), ademais da empresa Nordés Tech (especializada na prestación de servizos e emerxencias a través do Dolphin 1+, o primeiro vehículo a control remoto no mundo dedicado a salvamento marítimo); e da empresa el Farero Audiovisuales.