O Concello de Cervo anima a plantar árbores froiteiras

Co obxectivo de revitalizar as fincas, xa está aberto o prazo para participar no pedido conxunto

O Concello de Cervo anima á veciñanza a participar no pedido conxunto de árbores froiteiras que tramita cada ano a delegación de Medio Ambiente, que dirixe Mali Méndez, “co obxectivo de revitalizar as fincas, para que sexan cada vez máis produtivas”.

Xa está aberto o prazo para participar no pedido conxunto tramitado pola delegación de Medio Ambiente. Méndez recorda que os impresos estarán a disposición das persoas interesadas ata o 27 de xaneiro no Rexistro do Concello de Cervo e na Casa da Cultura.