O Concello de Barreiros renovará o equipamento informático para mellorar a atención á veciñanza
![deputacion barreiros alcadesa](https://amarinaxa.com/wp-content/uploads/2021/10/deputacion-barreiros-alcadesa.jpg)
O presidente da Deputación de Lugo, José Tomé Roca, asinou xunto a alcaldesa de Barreiros, Ana Ermida Igrexas, un convenio de colaboración entre ambas institucións para a renovación do equipamento informático da casa consistorial do municipio mariñán. Ao acto tamén asistiu a tenente de alcaldesa, Carmen Veiga. A través deste convenio, a Deputación achega 25.000€ en dúas anualidades para a compra do material, que permitirá mellorar a atención á veciñanza.
Pola súa banda, o Concello asume 1.315€ para os equipos, entre o que se atopan 16 ordenadores, 14 monitores e un ordenador portátil, pero tamén licenzas de programas ofimáticos ou antivirus, entre outros elementos. Todos os programas e material adquirido facilitarán aos traballadores e traballadoras municipais o desenrolo das súas funcións diarias.
A Deputación de Lugo colabora cos concellos para ofrezan máis e mellores servizos públicos aos veciños e veciñas. A institución provincial achega a Barreiros, a través do Plan Único, máis de 275.000€ para o fomento do emprego, impulsar o Servizo de Axuda ao Fogar ou inversións en infraestruturas, entre outros obxectivos.